Editorial || LADC TEAM KHAN CHAWIMAWI AN PHU.

1st Inter Sixth Schedule Councils Premier League ah a thlengtu Bodoland chu sikhat faia hneh lovin, LADC Team ten pahnihna dinhmun an hauh a, kawng engkimah khaikhinin, chak phuzawk, Bodoland te an chak niin a hriat.

Hmarchhaka ADC te inpumkhatna thazawk a awmtheih nan, kha Football Tournament kha buatsaih a ni a, LADC Team in Final an thleng thei hi Team pumpui an chhuanawmin, an inpekna leh thawhrimna a lang  a, kawng engkima chungnung zawka dahtheih hialtur, a thlengtu Bodoland nen Final an khelh ah pawh, LADC Team chaklohna kha, chakloh an phu   vang lam nilovin, engemaw vanduai vanga ngaihtheih a niin, Game pumpui ah an tumpuite an chungnun falna bik a lang tamlova, LADC an chawimawi khawp mai.

LADC Team te hi mipuiin kan ngaisangin, hnam hmel pholangtu an ni tih kan hriat nawn a tul a, Pasaltha   ramchhuak pawh an hlawhchham fova, Salu dang an hawn pawn, kawtchhuah ah tlang tlirin, mipuiin an lo lawm thin a nih kha, khawvel hmuh a LADC mawitaka pholangtu, LADC Football Team te hian ropui taka hmuah an phu a, an mellung phun hi  LADC awmchhung chuan sawinawn fo tur zing a mi a ni ngei ang.

Keinin kan hluta, kan aiawha fehchhuakte Nopui kan dawmtir loh chuan, tunge kan Football Team te hi thinlung takin lo lawm chuang ang, hawh u, a khawnawt in ilo hmuak teh ang u.

Team tawiawma kal Official te hian Football chauh an zuk ngaihvenlo tih a chianga, inkungkaihna tha zawkte, an hnen atanga zirtur awmte thil tamtak an hawn ngeiin a rinawm.