Chibil Tawng chungchang Workshop, Lawngtlai ah neih ani.

    Save Laiholh, Lawngtlai buatsaihin vawiin khan, Mizoram chhimlama, Chibil tawng a bo palh hlauhthawnawm a ding te zirhona Joint Consultative Workshop on Endangered Minority Language chu Lawngtlai DC Conference Hall ah neih a ni.

    Pu Lalchhuanliana Covener kaihhruai ah,  khuallian, Lai Autonomous District Council a Executive Member, Art & Culture Department enkawltu, Pu BN Thangpuia chuan, tawng chu hnam nihphung lanna langsar ber a nih thu sawiin, tawng chuan khawi atanga lokalnge kan nih tihte, kan kalzelna tur thlengin hnam dinhmun a tichiang thin a ni a ti a, Culture innghahna bul chu tawng a ni a, tawng a bo chuan hnam a bo nghal a, tawng humhalh kawngah nasa zawka tanlak a ngai nasain, helam hawia hmalakna kalpui a ni chu a lawmawm takzet a ni a ti.

    He hun ah hian  Mara, Pang, Bawm, Tlanglau leh Zyphe tawng chungchang, heng hnam hrang hrangte hian Paper present in, chawhnu lam ah Pu James Miahlung, Adviser, Save Laiholh, Lawngtlai kaihhruaina hnuai ah sawiho a ni a, Chibil tawng humhalh nan a Autonomous District Council leh Kohhran hrang hrang te hmalakna chungchangte, Naupang Zirlaibu ah Chibil tawng zirna telh chuan tawng humhalhna ah nghawng a neih dan te, Chibil tawng humhalhna awmzenei zawka kalpui a nihtheih dantur te sawiho a ni.