Vawin September Ni 23 hi Lawngtlai District chhunga tlawmngai pawl lian ber Young Lai Association dincham vawi 48-na niin, YLA Branch hrang hrang ten mahni remchan dan angin he Ni hi an hmang.
YLA Day Vawi 48-na lawmna hi Branch hrang hrang ten mahni remchan dan anga hmangin, Branch tam zawk chuan Vengchhung thianfaia hnatlangin hun an hmang a, Branch thenkhat chu zingkar atanga hnatlangin, chhun lamah Intihhlimna chi hrang hrang a hun hmang leh in, Sports Week neia he hun hmang Branch an awm bawk, Day thupui atanYLA kumpuanRam lehhnam humhalh tih hman a ni.
YLA Day ah hian LADC hnuaia Office leh Zirna in te chu khar a ni a, hlim taka he hun hmang tura duhsakna thuchah LADC CEM Pu V. Zirsanga leh Lawngtlai East Bialtu MLA Pu H. Biakzaualeh Lawngtlai DC Pu Amol Srivastava an siam.
YLA Day lawmna ah hian Central YLA Hruaitute chu Branch hrang hrangah in sem darhin, President Pu HC.Vanlalruatpuia chuan Niawhtlang Branch a hmanpui a, Vice President Pu F.Lalrothanga, Assiatant General Secretary Pu T. Lalremsanga leh Finance Secretary Pu T. Rohlupuia te chuan Kawlchaw West Branch an hmanpui bawk a, Pu Joseph Lalhmingthanga, General Secretary chuan Mampui Branch te a hmanpui bawk. Pu R.Lalrampana, Treasurer erawh chu Lawngtlai Khawpui Branch hrang hrangte hmanpuiin hun a hmang thung ani.
Tun dinhmunah Young Lai Association, YLA hi Branch 115 an awm mek a, Sub-Hqrs YLA 7 awm bawkin, Group YLA hi 7 an awm bawk a, YLA Member hi Mipa 36540 leh Hmeichhia 19820, an vaiin Member hi 56360 an awm mek ani.
Tags
News