Lawngtlai Auto Rickshaw Owners Association chuan Permit thar pechhuaklo turin Sorkar an ngen.

        Vawin khan Lawngtlai  Auto Rickshaw Owners Association chuan Press Conference neiin, tun hnaia Mizoram Sawrkarin Lawngtlai Khawpui tana Auto Rickshaw Permit 68 pek chhuah leh a tum chu an duh loh thu tarlangin, a tawp thlenga dodal an tum thu an sawi.

         B. Hmingchungnunga, President.Lawngtlai Auto Rickshaw Owners Association in Thuthar thehdarhtute hma a a sawi dan chuan tunah hian Lawngtlai khawpui chhungah Auto Rickshaw Service hi 400 chuang hret a awm a, heng Auto Rickshaw te hi Stand 4 siam ah chep taka an din thin thu te, Stand a dinglo, an Member nilo khawlaia Passenger zawng a tlan kual an awm reng thu te a tarlang bawk a. Hetiang a Stand ah pawh an len tawh loh lai a, Sawrkarin Permit pek chhuah a tum hi thil tih chi ah an ngaih loh thute, kum 2020 ah khan Lawngtlai East Bialtu MLA Pu H. Biakzaua hnenah Lawngtlai Khawpui tan Auto Rickshaw Permit pek belh tawh lo tura an lo ngen tawh thu te, MLA in an harsatna sawite pawh thiltih awm tak anih thu sawi a, ngaihtha taka an awm laiin, tun tum hi MLA hnena an ngen hnu ah vawi thum Auto Rickshaw Permit an Issue na anih tawh thu a sawi.

        Thuthar Thehdarhtute zawhna chhangin, T. Lalkhawngaihsanga, Secretary chuan Sawrkarin Auto Rickshaw Permit an pek tur an tihfel vek tawh ,   Lawngtlai Khawpui chhung bik a mi 68 lai a thlan chhuahte hnena Permit hi a pelui anih chuan a tawp thlenga dodal an tum thu sawilangin, an hmalak dan tur erawh chu  Sawrkar thuchhuak a zir a la ngaihtuah anih tur thu a sawi.

        He hunah hian B. Hmingchungnunga President chuan Mizoram Sawrkarin mi rethei zawkte dinhmun chawikan tum a, eizawnna atana Auto Rickshaw Permit pek chhuah leh a tum hi pe chhuaklo hram tur leh tun atanga kum 5 thleng tal chu Permit thar hi pe chhuak lo turin Sawrkar an ngen tih a sawi.