Sawrkar laipuiin ram pum huapa Ruihhlo Do beihpui thlak a kalpui tur Nasha Mukt Bharat Abhyaan chu vawiin khan Lawngtlai ah Dr.K.Beichhua, Excise & Narcotic changtu Minister chuan a hawng.
Government Lawngtlai College Hall a he hun hmanna ah, Dr.K.Beichhua chuan Kum 2021 ah Central Sawrkar chuan Ruihhlo Do beihpui thlakna tur Nasha Mukt Bharat Abhyan a kalpui tawh thu sawiin, Mizoram chhungah Drugs hluarna Lunglei, Lawngtlai leh Mamit ah te he Ruihhlo Do beihpui thlakna tur hi chak taka kalpui anih tur thu a sawi a.heng District Khawpuiah te hian Ruihhlo Do Committee, DC Chairman na hnuaiah din vek anih tur thute, chu Committeee ah chuan NGO hrang hrang leh Kohhran aiawhte an tel tur thu a sawi.
Dr.K.Beichhua chuan , Mizoramah Drugs nasa taka a hluar avangin, kan Thalai zingah HIV/AIDS vei an pung nasa hle tih sawiin, kan rama chhiatna thlentu Ruihhlo Do tur hian kan zavaia kan tan tlan angai a, chhungkaw tin ten tun atanga theihtawp kan chhuah a, Zirlaite pawhin ruihhlo zuar an hriatte, thuneitute hnena report thinturin a chah a, Ruihhlo tirem turin mipuite thawhhopuiah a sawm bawk.
He huna thusawitu dang LADC a CEM Pu V.Zirsanga chuan LADC huamchhungah, Myanmar atanga Raltlan, Thalaite nun tichhe tura Ruihhlo rawn lalut man annih chuan, an ngaidam ngai dawn lo tih sawiin, ngawi renga an nunna laksak mektu Ruihhlo hi rampum huapa kan Do angai takzet tawh a ni, a ti.
Pu Lalrengpuia, Officer in Charge. Excise & Narcotics Station.Lawngtlai chuan Report pe in,kum 2019 November thla atanga Kumin 2022.September thla thlengin Lawngtlai ah Ruihhlo avanga Case Register hi 420 a awm tawh thu sawiin,tun dinhmunah Lawngtlai khawpuiah buaipui tham No.4 a awm mek thu a sawi bawk.
Ruihhlo Do beihpui thlakna tur hawnna inkhawm ah hian Lawngtlai DC Pu Amol Srivastava chuan inlawmna thu sawiin, Lawngtlai Addl.SP Pu C.Lalruatkima kaihhruaina hnuaiah Ruihhlo tilo tura intiamna neih a ni a, Lawngtlai District chhung a Sawrkar Office zawng zawngah intiamna hi neih a ni bawk.
He hunah hian LADC a EM leh MDC te leh MNF.District Hqrs hruaitute bakah Central YLA hruaitute leh Official mi pawimawhte an tel a. Pu James Miahlung, Addl.DC leh he hun kaihruaitu ni bawk chuan lawmthu sawiin hun a khar ani.