.jpg)
Mipangngai tan chuan Lawngtlai khawpui a Damdawi ruihchi a hluar zia hi hriatloh theih a nilo hial ang. Central YLA chuan Drus Reduction Squad hial dinin, hmalakna pawh chhunzan zawmin an kalpui mek a, a thlamuanthlak khawp mai. LADS ten hman deuha hma an han la tak tak te kha, Lawngtlai a phurhluhtur Zu an man zozaite kha rapthlak tham a tling in a hriat a, tunah pawh Central YLA, DRS ten reilote chhunga ruihhlo an man pawh hi sum tamtak hu a tling tawh a ni.
Sawitam ngailovin, DRS te hi tlawmngaia khawpui ven hna thawk a, ram hmalam hun atana thalaite khalhngila, ruihhlo bawi a an tangtur vengtu an ni a, tlawmngaih chhuah a beitute an ni tih hi mitin hriat a nih rualin, chhun zan zawma rimtaka duty tur chuan mamawh hrang hrang a awmve tih hi mipui lam leh a tithei deuh ten an hriat nawn atan thil tul ve tak a ni a, tuilo, chawlovin khawpui ven hna an thawk thei biklova, henga hmantur hi Tlawmngai pawl chuan a hranin sum a neilo, Lawngtlaia ruihhlo hluar mek hi kan vei takzet leh takzetloh a lanchhuahna tur chu DRS te kan tuamhlawmdan atangin a langthei in a rinawm.
Atul chuan DRS te hian, riltam, tuihal tuar an huam, hetihlai hian mipui lam hian tihvetur erawh an neih an haibikin a rinawmloh.