LWA Gen Hqrs buatsaih, Zirlai titha Chawimawina, CEM in a hmanpui.

    Hmeichhiate hi ramin bungthar a kaina tura dinhmun pawimawhtak luahtu an ni, LADC a Chief Executive Member Pu V.Zirsanga chuan a ti.

    Vawiin khan Lai Women Association, General Hqrs. Lawngtlai chuan, HSLC atanga chunglam, hmeichhia, Final Exam a   tithate chawimawina hun, Electric Veng a LWA Office a an neih hmanpuiin Pu V.Zirsanga chuan tunlai hunah hm
eichhia ten dinhmun tha tak tak luah chhoin, kawng hrang hrangah hlawhtlinna chhuanawm tak tak an nei chho nasa a, ram hian mipate chungah hun lo la awmtur hi a nghat ngamlo mai ang tih hlauhthawnawm khawpin mipa nun ah inthlahdahna a tam a, hmeichhiate hi ramin bungthar ramin a kaina tura hmanraw pawimawh, dinhmun sangtak luahtutur an ni a ti.

    LADC a Chief Executive Member chuan thalaite nun ah thil engpawh nunphung pangngaiin a thlen ve a ngaihna a lian chho nasa a, mihlawhtling te hlawhtlinna chuan an mahniah chona a thlen zo meuh tawhlova, sualna chi hrang hrang pungchho zel pawh hian thalaite a tha zawngin a kaiharh zo meuh tawhlova, chhungkuaah inzirtirna nasa zawka a kalpui a ngai a, Nu te pawimawhna chu a lian chho zual em em a ni a ti.

    Zirlai titha chawimawina ah hian LADC a Executive Member pahnih Pu Andrew Laltlanzara leh Pu L.Daniala bakah, Central YLA General Secretary leh Lai Students Association General Secretary te pawn fuihna thu leh lamwpuina thu an sawi.

    
       LWA Gen Hqrs in zirlai titha, chaiwmawina an hlante hi mi 13 niin, an chhungten an dawnsak a ni.