Mizoram khawpui fai intihsiakna hmachhawn mek ah, Lawngtlai khawpui chhungah faina hnatlang hriattur a awm chho deuh reng.
Inrinni khan Bethel Veng a Lairam Isua Krista Baptist Kohhran Thalai Pawl leh Kristian Thalai Pawl ten veng chhung thenfai hnatlang khawchhe hnuai ah neiin, member thahnem tak an thawk chhuak a, tunkar chhung khan Governement Lawngtlai College NSS huaihawtin, faina hnatlang neih ni bawkin College a Zirlai leh Zirtirtu 300 chuang thawk chhuakin, Lawngtlai-III huamchhunga kawngpui leh tuiluankawr leh kawng ko te an tifai a, Bazar veng Primary School pawn faina hnatlang hi an thawk bawk.
Lawngtlai khawpui hian kum engemawzat liamta atang khan Faina beihpui thlak hi lo kalpui tawhin, khawpui thanglai a nih vangte, mi chitin punkhawmna khawpui a nih vangten duhthusamin khawpui fai intihsiakna ah dinhmun sang luah theilo mahse, Sorkar, Tlawmngai pawl leh Kohhran thlengin, beidawnna chuan hmun chang lovin, uar zawka hmalak a tulzia hriaiin, kumin hian kumdang ai a nasa zawkin Faina beihpui thlak hi kalpui mek a ni.