MHIP, Lawngtlai-III chuan Day hi CYLA Hall ah an hmanga, Bialtu MDC Pu T. Lalengmawia chuan hmanpuiin, hmeichhiate chuan chhungkua, khawtlang leh ram inenkawlna kawngah mawhphurhna lian tak an neih thu leh MHIP ten 'tanpui ngaite tanpui' tia pawl an in din chu ropui a ti thu a sawi a, MHIP din chhan leh innghahna Bible thu ang taka kal a, ding zel turin a chah a ni.
MHIP Lawngtlai New Vengpui Branch chuan Don Bosco School Hall ah Day hi hmangin, Khuallian atan Nula C.Biakthansangi, MDC,LADC chu hmangin, Biakthansangi chuan Sawrkar chuan Hmeichhiate dinhmun chawisan a ngai pawimawh hle tih sawiin, District Council ah te, Village Council leh AMC ah te hmeichhiate tan Seat a dah chu hmeichhiate tan chuan hmasawnna ropui tak a ni ati a. Hmeichhiate te hi Ram leh Khawtlang enkawl tur hian Sawrkar chuan min ringtawk ani ati .
MHIP Day pual hian MHIP Sub-Hqrs hruaitute chuan Lawngtlaia Damdawiin Pathum, ah te Poor Patient Fund atan Rs 5,000/- theuh an hlan
MHIP Sub-Hqrs.Lawngtlai hnuaiah hian Branch 38 awmin, Member 6000 vel an awm mek.