Nimin khan YLA Lawngtlai Vengpui Branch buatsaihin LIKBK Bethel Kohhran Hall-ah Lawngtlai Vengpui huamchhunga kum 12 - 20 inkarte tana Tleirawl / Rawltharte mamawh hrang hrang inzirtirna neih a ni. He hun hi Pu HC. Lalramhmachhuana, Branch YLA Treasurer in kaihruaiin, Tleirawl leh Rawltharte nunkawngdik zawhtura inzirtirna an neih bak ah Branch YLA member, zirna a ti tha mi 14 te hnenah chawimawina an hlan .
He hun hi Central YLA General Secretary Pu Joseph Lalhmingthanga Chinzah pawhin telpuiin thusawina hun a hman bakah Vengpui Branch YLA tanpuina atan Rs.3,000 a hlan.
Tleirawl/Rawltharte hnena nunkawngdik an zawh theih nana inzirtirna ah hian Traffic Rules chungchang te, Ruihhlo that loh zia te, Nungchang mawi leh tha chungchang te leh Khawtlanga mawhphurhna chungchang te zir niin Resource Person atan hian Pu C. Lalruatkima, Addl. SP, Lawngtlai, Pu Joseph L. Pachuau, MVI, Lawngtlai, Pi Lalrammuani, Associate Professor, Lawngtlai College bakah Pu V. Lalengvara, Branch YLA President te hman an ni.
Tleirawlte puala hun buatsaih ah hian Lawngtlai Vengpui huamchhung leh veng pawn atangin mi 183 an tel.
Tags
News