Lawngtlaia MIZOFED Filling Station chuan Petrol leh Diesel nidanga an hmuh ang an dawng theilova, a rawn thleng hmasa apiang, mipui mamawhna thlir chungin, Tanky full a pek, Lirthei mila Litres zat bituka pekchhuahte, Sorkar thuneitulam khuahkhirhna hnuaia dah lailawk te a ni deuh reng a, nimin khan Petrol leh Diesel free sale niin, lakkhawl erawh remtih a nilo.
A bikin Diesel harsatna chuan Lawngtlai District chhunga hmasawnna hnathawh a ti khaihlak mek a, heihian National Highway 54 siammekte, KMMTTP hnathawh kallai te, Lawngtlai atanga Tuipui Ferry panna kawng siammek te a nghawng chho mek a, hnathawhtura ruahman an thawk hleithei rihlo.
MIZOFED Manager Pu Rohimliana chuan Petrol leh Diesel harsat chhan ber chu an lakluhna kawng, phailam ah chhelai ala awm nual vang a nih thu sawiin, Rel kawng chhia siamthat a nih hma chuan Oil hnianghnar taka an dawn a beiseiawm rihlo a ti.