Central YLA PRESS RELEASE
District Hospital, Lawngtlai-a thawktu indaihlohna avang leh Bungtlang South PHC-a MedicalOfficer awm loh avanga May 25, 2022 (Nilaini) atanga Central YLA huaihawta Lawngtlai khawpuichhung leh Bungtlang South hmuna Picketing neih chu Central YLA duhthusam ang thlapatihhlawhtlin ni lo mahse District Hospital, Lawngtlai-a thawk tur kan mamawh leh dil ang Doctor -Gynaecologist, Pediatrician leh ENT Specialist te an rawn dah tak avang te, Bungtlang SouthPHC-a thawk tur Medical Officer an rawn dah tak avang te leh Lawngtlai East Bialtu MLA,CEM LADC leh Deputy Commissioner Lawngtlai District te ngenna avang te in May 28, 2022(Inrinni)-a Central YLA CEC leh Town Branch YLA aiawhte Joint meeting chuan tihtawp ni tawhmai se a tih angin May 28, 2022 (Inrinni) atangin Picketing neih lai mek chu tihtawp a ni ta rih a ni.
Hriselna lama Lawngtlai District mipuite mamawh leh harsatna te chinfel a nih theihna turaMizoram Sawrkar nawrna atana Picketing neih a nih hunchhunga mipuite leh District chhungapawl hrang hrangte thlawpna zawng zawng avangin Central YLA chuan lawmthu a sawi a.
Kan beisei leh duhthusam anga thlapa kan duhna te tihhlawhtlin ni rih lo mahse kan harsatna zualpuimin chinfel saktu Mizoram Sawrkar leh kan Doctor mamawh ang kan neih theihna turatheihtawpa hma min lakpuitu Lawngtlai East & West Bialtu MLA te chungah lawmthu kansawi a ni. Tin, kan harsatna te min hriatthiampui a, kan hmalakna min thlawp tlat tu C.E.M, LADC leh Deputy Commissioner, Lawngtlai District leh a thawhpuite chungah pawh lawmthu kan sawi bawk a. Kan harsatna leh Mizoram Sawrkar laka kan duhnate min thehdarhsak a, kawng hrang hranga min thawhpuitu National, North-East, Mizoram leh Local Media (Print & Visual) hrang hrangte chungah pawh lawmthu kan sawi mawlh mawlh a ni. Tin, Picketing neih hunchhunga mahni hna tul leh pawimawh hrang hrangte kalsana Duty thin Branch YLA hruaitu leh member zawng zawngte chungah pawh lawmthu kan sawi takzet bawk a. Kan tanrualna leh thawhhona avanga hetiang dinhmun hi thleng thei kan ni tih hria a, kan hmalam huna Lawngtlai District tana hmalakna kawng hrang hrangah min thawhpui zel turin kan sawm bawk che u a ni.
Lawngtlai District hi mihring cheng tamna lama Mizoram District 11 te zinga pathumna, hriselna lamah phei chuan District hnufual ber kan nih avangin Mizoram Sawrkar laka kan beiseina hi a la sang em em reng a. District Hospital, Lawngtlai-a thawktu indaihlohna hrang hrangte pawh hi min hriatsak chhunzawm zel turin kan ngen nawn leh a. A bik takin Doctor kan la neih loh, kan mamawh em em General Surgeon te, District Hospital, Lawngtlai-a khum 50 awm tur khum 30 chauh la awmte leh Nurse indaihlohna hrang hrang hi a ranglama min min chinfel sak a, kan la neih loh thawkute hi min dahsak turin kan ngen nawn leh bawk a ni. Mizoram chhung hmun hrang hranga hriselna lama thawktu indaihlohna nasa tak awm mek hi ngaipawimawh a, District hrang hrangah mipuite mamawh ang thawktu an awm theihna tura hma la zel tur leh hetiang lama District hrang hrangte kan intluktlan theihna tura ruahmanna siam tur pawhin Mizoram Sawrkar hi kan ngen bawk a. Heng mipuite mamawh leh harsatna hrang hrangte hi Central YLA chuan a thlithlai chhunzawm reng dawn a, a tul a nih chuan tun aia na zawk pawhin Lawngtlai District tan a che chhuak leh dawn a ni.
Issued by the Central Young Lai Association, Lawngtlai, Mizoram, India