Prime Minister thusawi hi Chakma mipuite chuan BJP Office atangin an ngaithla a, Prime Minister thusawi ngaithlatu an tamin, awlsam taka Prime Minister thusawi an ngaithla thei chu lawmawm an tih thu an sawi.
Tuntum, hi Prime Minister thusawi, ruahmanlawkna felfaitak nen a a huhova Mizoram a vawikhat ngaihthlakna a ni a, Prime Minister thusawi ngaithlatute chuan, India ram hmasawnna tur a Sorkar hmalakdan chu lawmawm an tih thu an sawi.
Prime Minister chuan, Tun hnaiah India chuan hmasawnna ropui tak kan nei a. May ni 5 khan ram chhungah Unicorn za chuang kan nei hman a, Unicorn pakhat Start-up na hi a tlem berah Crore sang sarih leh a chanve vel ani ang. Chumi awmzia chu heng unicorn te hlutna chu dollar billion 330, Crore Nuai 25 aiin a tam a ni. Heihi India khua leh tui tan chuan chhuan tham ani a. Heng unicorn te hi nikum chhung khan 44 siam anni tawh a, kuminah thla 3 -4 chhung khan unicorn thar 14 siam hman ani. Global pandemic lai pawn kan start up te hian sum leh a hlutna a tipung nasa ani. Indian Unicorns Average Annual growth rate hi USA, UK leh ram dangte ai pawn a sang mek a. Analyst te chuan hun lokal zel turah pawh hei aia nasa hian hma kan la sawn zel tur angin an chhut a ni. Thil tha deuh mai chu heng unicorn te hi chi hrang hrang anni tih hi a ni. e- commerce, Fin-Tech, Ed-Tech, Bio-Tech te ang hmun hrang hrangah hna an thawk mek a. Tha ka tih em em chu Start – Ups khawvel hian New India Spirit hi entir mek hi ani a. Start-Ups ecosystem hi khawpui mai nilovin khaw tenau leh kilkhawr ber lai atang te pawn an rawn tuipui tan tawh a. Chumi chuan a entir chu, innovative idea nei tawh phawt chuan sum lakluh a thei a ni, a ti.