Hapta hawnna hi Lawngtlai DC, Dr Andrew H.Vanlaldika'n kaihruaiin, Hapta hawngtu LADC a Chief Executive Member, Pu V.Zirsanga chuan, thiltha tihna kawngah, telve tura inngaihlohna a lian hle tawh tih sawiin, kangmeichhuak thinte pawh, a tirlamah thelhmih maitheih tamtak a awm laiin, tute emaw thelhtur a ngaihna a awm thin a, heihian thilthalo zawk a hringchhuak thin a, kangmei ven leh chhuaklo tura tanlatura infuih thar a, inhrilhhriatna hi uar zawka kalpui a ngai a ni a ti a, CEM chuan Ram a kan hian a kang satliah a ni ngawt lova, leilung a Pathianin rohlu a dah tamtak a kangral thin a, a pawitakzet a ni a ti.
District Level Committee on Fire Prevention Chairman Lawngtlai DC Dr Andrew H.Vanlaldika chuan kangmei ven kawngah Lawngtlai District chuan dinhmun tha tak tak a lo luah tawh thin thu sawiin kum 2010 leh 2015 ah te Mizoram pumah Kangmei vengtha lawmman pakhatna a lo la tawh a, Kum 2019 ah Pahnihna, Kum 2014 ah Pathumna dinhmun a lo luah tawh tih sawiin, Sorkar, Tlawmngaipawl, khawtlang hruaitute leh mipui tanrualna a that phawt chuan kangmei chhuak taktak hian pawi liantham a khawih hmain thelhmih theih a ni a ti.
Lawngtlaia Kangmei ven Hapta hawnna ah hian Pu K.Lalromawia, Member Secretary, District Level Committee on Fire Prevention chuan Report pe in, Pu C.Lalrinmuana Deputy Conservator of Forest, Chhimtuipui Wildlife Division chuan lawmthu a sawi a, he hun ah hian Hrileng vangin State leh LADC a mipawimawh leh sawmbik mi tlemte an tel.