Lawngtlai DC chuan, hri darhtur ven nan a hmalakna kalpui mek dan sawiin khawpui chhung, Zone thum a thenin Zonal Officer te bakah Incident Commander te dah an nih bakah Executive Duty dah an nih thu a sawi.
Meeting chuan Sorkarin Duty a dah ten khauh zawkin thupek lekkawhse an ti a, a bikin Dawr leh Bazar hmun ah te CAB zawmlo te chu an dawr leh sumdawnna kharsak thlengin hmalak nise an ti a, Kohhran lamin hma an lakdan pawh thlir nawn niin, khauh zawka hmalaturin Kohhran tin ah ngenna siam tha an ti.
Raltlan zingah hrikai hmuhchhuah an awm deuh reng vangte, mumal zawka Raltlante enkawl an nihtheih nan an luhka pui deuh ah Refugee Transit Camp siam nise, Transit Camp a an awmchhungin Hri an kai leh kailoh enfiah vek nise an ti a, nimin tlai khan Refugee Transit Camp siamna tur a ruahman Kawlchaw West chu Lawngtlai DC leh Central YLA hruaitu ten an enfiah nghal.
Nimin Meeting ah Chief Medical Officer Dr LP Malsawma'n a sawidanin, tun dinhmun ah Lawngtlai District ah Hrikai 158 enkawlmek an ni.