A bikin District Council huamchhungah hian Politics virvel a nasain, District Council inthlan laivel phei chuan, titi ngaihnawm tak tak, hmundang amiten an hriatthiam phaklohtur hi a tamin, game maksak leh thuk tak tak te pawh hriattur a awm thin a, vaihovin election hi festival pakhat anga an lo sawi thinte pawh hi a dikna lai kan tem tam chho hret hretin a rinawm.
Hetikhawpa Politics kan buaipui lai hian, Politics in min nghawngdan hi chhutchian a tulin, chu chuan hmalamhun thuitak a hril a, kan buaipui nasat hu hian mipui lam hian hmasawnna an nei em tihte hi chhut tham a tling a, Politics ni a kan ngaih leh buaipuite hi Politics a ni chiah em tihte pawh chhut a tul a, mahni vua leh vangte emaw dinchan nan leh, mimal leh chhungkua in hamthatna a hmuhtheihna tur kawng a inhawn dawn vanga tawngpawng talchiam ang te hi thilawmthei, Politics in a kentel zethalo zing a mi a ni tihte pawh hriat a pawiamwh awm e.
Politics in keimahni a nghawng a neihdan chu Politician te kan beiseidan atangin chhut a awlsam berin a rinawm a, hmasawnna rualkhai, hnam dinchhuahna tur hi buaipui tham a ni a, chu chu kan Politics virvel zingah hian a tel pha a ngem aw.
Ram leh hnam in hmasawnna kawng dik a zawh theihna tur atan Politician te aia tangkai an awmlova, Politician te chu mipui tihlawmtum an nih miau vangin mipui pawimawhna a lian khawp mai.