Vawiin khan Mizoram Maxicab Owners Association. District Hqrs.Lawngtlai chuan an Office hawnna hun an hmang.
Lawngtlai Chandmary Venga he hun an hman na a Khuallian Pu Joseph Lalthansanga Pachuau, MVI.Lawngtlai chuan Maxicab Drivers te chu Commercial Vehicle ah chuan an danglam bik tih sawiin, Mihring phur thin an nih avangin an mawhphurhna chu asang em em a ni ati a, an mawhphurhna sangtak tihlawhtling tur chuan ruihtheihthil ah an fihlim angai a ni a ti a, Motor khalh laiin tumah in zu emaw damdawi emaw rui chunga Lirthei khalh chu Passenger te tan a himlo a, tihloh tawp a ngai ani tiin, Motor Document fello a Lirthei khalh chu Piantharna tello a Vanram luh tum phet ang a ni a, a inhmeh hauh lo a, Drivers zawng zawng ten in Motor Document in ngai pawimawh tur ani ati.
He hun hi Pu Lalbiaktluanga, An pawl President chuan kaihruaiin, Pu Lalropuia, Ast.Secretary chuan report a pe a, report a a tarlan dan chuan Lawngtlai Dist.Maxicab Owners Association hnuaiah hian Welfare 10 awm mekin, Members hi 180 tun dinhmunah an awm mek thu a tarlang ani.
District Hqrs. Maxicab Owners Assn. Office hawnna ah hian Lawngtlai Chandmary Veng VC aiawh a thusawi ngaihthlak ni bawkin, PuNunthanga VicePresident chuan hunserh a hmang a. Aizawl atanga kal DJ.Lalvenhimi chuan zaiin kalkhawmte a awi bawk ani.
He hunah hian Khuallian Pu Joseph L.Pachuau. MVI chu Vaseikai Welfare chuan Chawimawina thuziak an hlan a, Lawngtlai District chhunga Maxicab khalh thinte thil tamtak zirtirin, zawl dawh taka an harsatna te a chinfel sak thin avanga Chawimawina hi hlan an nih thu an sawi.
Tags
News