Sorkar chu mipui vanga awm a ni, Sorkar hnathawkte pawh mipui tana thawktu an ni a, mipuiin hma an sawntheih nan kawng hrang hrang in an thawk a, an kalbingna milzelin Department pawh thenhran thluah a ni a, Sorkar hnathawkte chu mipui chhiah tlingkhawm hmanga chhawr an ni a, a chhawrtu aiin an michhawr te an dinchanna khawvel ah hian Sorkar hna lo chu hnadang beiseilo kan tam viau pawh hi indem ngawt theih a nilo maithei.
Tui a haw theilova, PHED in an siamtha thin, Power Supply a awmlova, P&E Department lamin an siam mai, an tihtur, an hna an thawk a, a takin an hnathawh chu a zar kan zo thin, heihi Sorkar hna an thawhchhan a ni a, mahni thawhtur thawklo leh titha peihlo te hian engtianginnge ram sum leh pai hi an eihekdan tih te hi chhutpeih tan chuan chhuttham a tling in a rinawm.
Sorkar hnathawkte hian an hna thataka an thawh hian, fak an phu a, Pulpit a an thusawi ngaihnawm kan tih miahlote pawh, Inkhawm banah chibai pah a, thu a sawi that zia hrilh duh kan nihna atang a chhut phei chuan, Sorkar hnathawk, hnathawktha te hi fak mawlh mawlh pawh thil inthlahrunawmloh tak a nih a rinawm.
Mipui tana thawktu an nisi a, Department tamtak hian kumkhat chhunga an hnathawh, mipui hriat a an puangzar fumfe thinlo te hi veitham a tling a, Independence Day vel ah Khuallian ten a tlangpui hi sawilo phei sela chuan, hna an thawhsak te hian, an hnathawh hi an hremiahlo thei hialin a rinawm.
Sorkar hnathawkte hian mipui tan engang hmasawnna nge an thawh ? tih hi mipuiin an hriat a tula, chu chuan ram hmasawnna atan pawh awmzia a neithui viauin a rinawm.