ADC ten thuneihna sangzawk an beisei, State in a dodal, duhlohna lantir ani.

     Ram danpui siamthat vawi 125 na,  125th Constitution Amendment Bill 2019 a Autonomous District Council ten thuneihna lian zawk an neihtheih nan a Sixth Schedule siamthat a nih theih nan a hmalakna kalmek ah, State Sorkar in Mizoram a Autonomous District Council ten thuneihna sangzawk an neih theih nan a rawtna, Central a an thlen te, dodal zawnga ngaihdan a thlen duhlohna lantirna vawiin khan Lawngtlai   ah neih a ni.

    Lawngtlai ah chuan chhun dar 12 ah Lawngtlai District a Political Party, pathum, Congress, BJP leh ZPM te huaihawtin neih a ni a, hnam hnuaihnung zawkten dinhmun sang zawk an chuankai nan a kawng daltu dodalna ah MNF Party an tello chu mak an tih thu an sawi.

    Lai District Congress Committee President Pu J.Ropianga Chinzah, BJP Adiviser Pu TT Nohmung leh ZPM President Pu MC Lalramchhana leh Lai District Youth Congress Committee President Pu Laltlawmlova Chinzah ten thusawiin, Mizoram Sorkar  chuan Autonomous District Council ten kawng hrang hranga thuneihna sangzawk an neih theih na tur a Sorkar laipui a ngenna an then chu a vaiin a dodal vek an ti a....

    Hnam hnuaihnung zawkten dinhmun tha zawk, State Sorkar sum hek miah lova an neihtheihna tur Mizoram Sorkar in a dodal chu mak an tih thu sawiin,  Hmarchhak a State dangte chuan an huamchhunga Autonomous District Council ten thuneihna sang zawk an neihtheih nan an phurpuiin, Central ah,   theihtawp an chhuahpui tih sawiin, Mizoram Sorkar chu a ngaihdan suttur in an ngen.

    Siaha leh Chawngte ah pawh vawiin vek khan hun hman niin, Autonomous District Council hmunpui pathumah hian Mizoram Sorkar in Autonomous District Council ten thuneihna sang zawk an neihtheih nan a 
an thlen, State Sorkar in ngaihdan  a ziakna copy chu an hal