YLA LAWNGTLAI VENGPUI BRANCH LAWMTHU SAWINA
Dated Lawngtlai the 15th November 2021
Vawiin (November 15, 2021) khan YLA Lawngtlai Vengpui Branch te'n YLA Rûn kan sak mêk ṭanpuina atan Pu C. Ngunlianchunga, Lawngtlai West Bialtu MLA chuan ₹.1,00,000 (Nuaikhat) lai min rawn pe a. Sawrkar aṭanga sum hmu miah lova YLA Rûn hi kan sak avangin tun dinhmunah sum leh pai kan nei tawh lo mai ni lovin ba nen kan awm mêk a. Kan mangan leh harsat lai taka hetianga kan venga piang leh seilian, kan veng pa anga kan ngaihin kan beisei phâk piahlama ṭanpuina min rawn pe hi kan lawm takzet a. Sawrkar aṭanga ṭanpuina tel lova YLA sum leh vengchhung mi tlawmngaite zara hetiang in thleng thei hi in veng pa, Lawngtlai Vengpui chhuak ka nih avangin hnatlang ka lo thawh ve na a ni ti a kan mamawh em em laia min ṭanpui avangin Pu C. Ngunlianchunga, MLA chungah YLA Lawngtlai Vengpui Branch te'n lawmthu kan sawi mawlh mawlh a, kan ram leh hnam tana mi ṭangkai ni zel turin duhsakna kan hlan bawk a ni.
YLA Rûn sak mêk hi December 2021 thla chhunga a hawnna nei tura kan inruahman laiin sum lamah harsatna lian tak kan tawh avangin chhunzawm hlei thei lovin kan awm mêk a. Kan harsat lai taka hetianga ṭanpuina kan dawng hi kan lawm takzet a, YLA leh kan khawtlang tana mi inphalte avang hian kan beisei angin December thlà chhungin hawn theih kan inbeisei ve leh ta hle a ni.
Secretary
YLA, Lawngtlai Vengpui Branch