Lawngtlai District ah karkhat chhungin Vaccine la 4.71% in an pung.

India rampum ah Covid 19 hridanna pechaklo District zinga langpha, Lawngtlai       District ah  hun engemawchen, fur ruahtuitlak vanga inkalpawhna a that mumalloh vangte, a bikin District chhunga, hnam hnufual zawkten hridanna an lak that duh mumalloh hnu ah, tunlai hian beihpui thlak chhoh niin, karkhat chhung lek in, Vaccine la hi za ah 4.71 in an pungchho.

Lawngtlai DC, Dr.Andrew H.Vanlaldika  kaihhruaina hnuai ah Vaccine pek runpui neihdan tur hi ruahman niin, a bikin Chakma chentamna lam ah an sakhaw puithiam leh Tlawmngaipawl leh CADC Sorkar nen hmalak ho niin, January 19, 2021 atangin November 5 thleng khan , Lawngtlai District pumpui a Vaccine la tawh 66.81% chu,   Inrinni khan 71.50% ah a kaichhova, nimin Pathianni pawh hian District chhung khawthlang lam ah hridanna hi pekchhunzawm a ni.

Tun dinhmun ah Healh Department ten an chhinchhiah danin, Lawngtlai District ah hridanna pektur mi   82359 zingah First     Doze mi 58962 hnenah pek a ni tawh a, Second doze la mi 29829 an awm tawh a, hridanpek beihpui hi thlak chhunzawm mek a ni.