Karkalta Zirtawpni khan District Level Inspection Committee Lawngtlai ten Lawngtlai khawpui chhunga Home pathum Observation Home, Lairam Motherless Home leh Lairam Child Adaption Centre te tlawhin an inenkawl dan te an enfiah.
Lawngtlai khawpui chhunga Home pathum Observation Home, Lawngtlai New Vengpui, Lairam Motherless Home leh Lairam Child Adoption Centre, Lawngtlai College Veng a awm te chu an tlawh a. Naupang an enkawl dan te a tha tawk em tih an enfiah a.
Tunah hian Observation Home ah hian Mipa pakhat leh hmeichhia chhia pahnih an enkawl mek a. Para medical staff pakhat an neih thin chu hmu dang ah sawn anih avangin hriselna endik kawngah harsatna an tawh chang a awm thin thu hriat ani
Lairam Child Adoption centre leh Lairam Motherless home hi LIKBK Assembly hnuaiah thawktute'n an enkawl a. Adoption centre ah hian naupang pakhat enkawl mek a ni a. He centre atang hian India ram pawn thleng a, naupang enkawl tura lo la an awm tawh. Lairam Child Adoption Centre hi sorkar puihna atangin kalpui mek ani.
Lairam Motherless Home ah hian naupang 22 enkawl mek an ni bawk. District Level Inspection Team te hi an Chairman, District Programme Officer Pu Hunlawmawma, hovin District Child Protection Officer Pi Mary, Pi Lalhriatpuii, Clinical Psychologist (DLIC member) l eh Pu Elvis Lalthangzuala, Editor Rauthla (DLIC Member) ten Home te hi an enfiah a ni.