Mithenkhatten dan awmlohna khawpui, Lawless Town titen Lawngtlai hi an sawi thin a, a chhunga chengtan chuan rilru a na thin khawp mai. Lawngtlai mipui te hian dan an pawisalo ngawtlova, dan chu a nihna anga lekkhawh a niloh hian, dan bawhchhia hmuhtur chu khawihmunah pawh an tam tih a chianga, hengte vanga khawpui hming timawilo zawnga tawngkam neih te hi a fuh lo.
Lawngtlai khawpui a thalaite hi a hranpain an hawihhawm lovin, an sual bik ngawtlo, hetihrual hian, kaihhruaina tha, Lawngtlai khawpuiah chuan hetiang hian an tithin tihtheihtur, nundanphung a neihtur mamawhna a lian a, chuchuan thalaite kawngdik zawhtura hruai nan thiltangkai a nihtheih pawh a rinawm.
Thalai intelkhawm, midangte tanpuitura inpe duhte hi kan nei teuh in a rinawm, khawpui chhunga midang tanpuingai tanpuite, lirthei a hunatur nilova dahte lo hrilhhriatte, tar leh nunau, chaklo zawkte kawngpui kantur hruaite, Sorkar Office lian deuhva, chinchanghrelo zawk Office dawrtur lo puihte, hetiang lam chi tamtak a awmthei ang.
Thalai, midang tana thiltha tihduh, kalngaihna hresilote dapchhuaka, an tana phurrit nisilo, an hunawla midang tana an inpekna luanchhuahtheihna remchang hawnsak thiam awmsela, chu chuan Lawngtlai khawpui hmelhmang hi reilote ah a herdanglam ngei ngeiin a rinawm a, khawpui dang pawhin an entawntur leh Lawngtlai ah chuan an tithin tih chu an sawizuitur a nih ngei pawh a rinawm ani.