LADC hruaitu langsar, Tlawmngaipawl leh Kohhran a hruaitu dinhmun pawimawh tak tak chelhtu leh chelh tawhtu Pu C.Sangchhunga, Lawngtlai Bazar Veng chu Zirtawpni November 26 zinglam dar 2:30 khan Civil Hospital Aizawl ah a thi a, a ruang hi Lawngtlai panpui niin, nimin Pathianni khan Bazar Veng thlanmualah vuiliam a ni.
Pu C.Sangchhunga hi LIKBK Upa niin, LADC a Executive Member lo ni tawh, ram leh khawtlang, Kohhran tan mitangkai, nu leh pa nih tlin tak, midang tana a hun leh theihna seng nasa, pa nelawm leh entawntlak tak a ni a, uitu leh suntu pawh an thahnem hle.
Pu C.Sangchhunga hi Central YLA hruaitu lo ni tawh a ni a, Central YLA chuan sunna thuchhuah a siam nghe nghe ani.