District Immunization Officer Dr.,Thaizi chuan khua a tuihul tan a, inkalpawhna mumallo pawh a ziaawm chho hret hret a, hmun engemawzat ah harsatna la awm tho mahse, a bikin District chhung khawthlang lam, hnam hnuaihnung zawkte chentamna ah Hridanna pek hna chu ngawrhtaka kalpui a ni a ti a, tun dinhmun ah Vaccine latheitur a ngaih mi 82359 zingah mi 63116 chuan First Doze an la tawh a, Second Doze la tawh mi 31615 an awm tawh.
Meeting ah hian UNICEF atanga Lawngtlai District dinhmun, a hmuna zirchiang tura tirh mi pathum Dr. Arjam Rebecca Aharma, Behaviour Communication Change Consultan, Dr. Shubhangi Pandagre, State Public Health Immunization Consultant leh Jammejaya Meher, State Consultant & Rural Immunization bakah Assam Rifle hotu Major Rajnikant te pawh an tel a, hridanna pekchhunzawmna tura rawtna awm hrang hrangte sawiho a ni.