Nimin khan, LADC, Chairman, Pu VL.Hmuaka, Lawngtlai Vengpui bialtu MDC chu YLA Lawngtlai Vengpui Branch ten a Office-ah lawmpuina thuziak an hlan.
Pu VL.Hmuaka, chuan YLA Lawngtlai Vengpui Branch ten lawmpuina an hlan chu lawmawm a tih thu leh phu lo a intih thu a sawi a. Pathian malsawmna leh duhsakna avanga he dinhmun hi chang thei a nih thu sawiin, a bial chhung mipuiten duhsakna lantira MDC atana vawi 6 lai mai an thlantlin avangin a bial mipui te chungah lawmthu a sawi.
Pu VL.Hmuaka, chuan, hunrei tak Bial mipuiin duhsakna an lantir lai hian mihring ve bawk a nih avangin hliam palh leh thinlung tih nat palh pawh a nei ngeia a rinthu sawiin, chung zawng zawngah chuan an hriamthiamna a dil a, lungrual takin Bial khat an nih angin Lawngtlai Vengpui MDC Bial hmasawn nan theih tawp chhuah a thawhhopui ah a sawm.
YLA Lawngtlai Vengpui Branch hruaitute chuan an Branch a hun rei tak hruaitu loni tawh leh khawtlang enkawlna kawngah pawh theih tawp chhuaha hma lo la thintu, Pu VL.Hmuaka'n LADC Sawrkara dinhmun pawimawh tâk, Chairman dinhmun a luah thei chu an lawmpuiin an chhuang tak zet tih an sawi a, chutiang avanga duhsakna leh lawmpuina thuziak hlanna hun hi hmang an nih thu an sawi a. Pu H.Thanghuta, Branch YLA Adviser in tawngtai sakna hun a hmang a. Pu VL.Hmuaka, Chairman hian Branch YLA te hnenah hian khawtlang inenkawlna tur thilpek a hlan ve nghal bawk.