Kartawp lam khan DC hian KMMTTP leh Parva kawngte hi a tlawh a, Lawngtlai atanga Diltlang paltlang, Parva kawng a Ngengpuikai lei chu motor ritphur tan zawhngam a niloh vangin, mipui chetvelna leh Buhfai thiarvelna thlengin harsatna a thleng thin a, Lawngtlai DC chuan BRTF hotute chu, lei thar dawhzawh a nih hma in, lei hlui chu a theih ang anga, 407 Truck ritphur in a zawhtheihtur a thawmthaturin a hrilh a, BRTF hotute chuan karthar ah hian lo thawh nghal an tum thu DC hi an hrilh.
Lawngtlai DC chuan KMMTTP kawngpuia leimin tam tak chu thenfai mumal a nihloh vangin, kawngpui sial hna thawktu Contractor te chu, kawng thenfai hna ngaipawimawh hmasaturin a hrilh a, kawng sialhna viltu Mizoram PWD hotute pawh, mipuiin harsatna an tawh hrechiangtu an nih angin, Contractor te hnathawh chu lo en uluk turin a chah bawk.
DC hi Multi Modal Division a, EE Pu C.Lalthangvela leh PWD hotu dangte bakah kawng sialtu Contractor leh BRTF hotuten an lo dawngsawng.