Pu Andrewa chuan LADC MNF Sorkar in ARO Chawngte (P) chu RO puitlingah a hlangkai a hei hi tun hma atanga Chawngte (P) bial mipuite beisei a nih thu leh amah pawn a thiltum ber pakhat anih thu sawiin, Office tih chang tlunna kawngah pawh theihtawp a chhuah dawn a ni, a ti. Hrileng avanga lawmna hun neih lawk theih ani lo chu pawi a tihthu sawiin, remchang hmasa berah CEM hova lawmna neih a duh thu a sawi; RO Chawngte (P) division hi office pawimawh tak anih thu leh staff te pawh thehnem ngai taka kal tur leh mipuite tan dawr nuam leh zual turin a fuih
Pu Lalnun- zawmpuia RO Chawngte chuan office staff leh dinhmunte a sawi a, mamawh hrang hrangte a thlen a, Pu Andrew a chuan office mamawh em em Copier Machine RO Division lawmnan pek nghal a tum thu a sawi.
Pu Andrew-a hian Rest House Building siamthat ngai lai a a en bakah, Range office pawh tlawh telin Forest department chu Department pawimawh anih thu leh thawktute pawh rintlak leh taima taka thawk turin a chah bawk.