PSA Oxygen Plant, CEM in a hawng

    

       Minute khat chhunga Oxygen litres 250 siamchhuakthei, PM cares  hnuaia Prime Minister's Citizen Assistance and Relief in Emergency Fund atanga hmuh, Pressure Swing Adsorption (PSA) Oxygen Plant chu vawiin khan Lai Autonomous District Council a Chief Executive Member, Pu V.Zirsanga'n Lawngtlai District Hospital ah a hawng.

        Pu V.Zirsanga chuan hmanraw pawimawh leh tangkai tak takte hi, District hnufual, Lawngtlai District tan a hlu zual tih sawiin, Oxygen Plant thatak mai bun a ni ta chu lawmawm a tih thu sawiin, Hospital a thawktute thawhrimna leh inpekna chu District mipui leh District pawnlam thleng pawhin mipui ten an thlamuanpui hle a ni a ti.

        Lawngtlai DC Dr.Andrew H.Vanlaldika chuan PM Cares atanga Oxygen Plant Lawngtlai in a dawng chu lawmawm a tih thu a sawi a, he Plant dintura a Department  hrang hrangte inpekna vanga hawntheih a ni ta chuan District tanrualna a tilang a ni a ti.

        Medical Superintendent Dr Zothanpari Chhakchhuak chuan tun dinhmun ah damlo khum 43, DCHC a khum 8 telin Oxygen nen thlunzawm a ni a ti a, Oxygen Plant tihnun nan 250 KVA Transformer, cheng Nuai 24,38450 (Nuai 24 sing 3 sang 8 za 4 sawmnga) bun a ni a ti a, tunah chuan Aizawl a Oxygen la tura an senso thin cheng tamtak chu an hum theih tawh an beisei tih a sawi.

        CEM hi LADC a Executive Member pathum Pu Lallawmsanga Apetow, Pu JB Vanhoy leh Pu HC Lalthawmliana ten an tawiawm.