Sorkar thuchhuahin a tarlan danin October ni 2 atanga ni 8, 2021 chhunga Lawngtlai District-a hman, 'Faina Hapta' kharna hun chu vawiin khan Lawngtlai DC Conference Hall-ah Lawngtlai DC, Dr Andrew H. Vanlaldika hovin hman a ni.
Lawngtlai DC chuan faina chu mihring hmasawnna darthlalang pawimawh tak pakhat a nih thu sawiin, faina kawnga hma lakna chu chhungril lama fai duhna tak tak nena kalpui chhunzawm zel a tul thu a sawi a. Thil eng pawh a fai a, a awmna tur hmuna fel taka a awm chuan hmuh a nuam a, chu chuan faina lama hmalakna a tisawt em em a ni, a ti.
Vawiina Faina Hapta kharna hun hi Urban Development & Poverty Alleviation (UD&PA) Department, Lawngtlai District-a District Project Officer Pi TT Beikhaizi chuan a kaihruai a. He hunah hian Faina Hapta leh Azadi Ka Amrit Mahotsav puala intihsiakna hrang hrang lawmman sem a ni bawk.
Azadi Ka Amrit Mahotsav hnuaiah Electric Veng chu Lawngtlai khawpui chhunga veng fai berah thlan a ni a, faina chungchang inzirtirna kalpui tha berah Chandmary thlan niin, plastic bawlhhlawh titlem tura hma la tha berah New Vengpui thlan an ni bawk a. Lawmman Rs 5,000/- leh certificate hlan theuh an ni.
Faina Hapta puala intihsiakna hrang hranga lawmman latute chu:
Thlalak hmanga intihsiakna (mobile photography competition):
1. V. Lalramliani - Rs 3,000/- & certificate
2. Faith Rinhlui Chinzah - Rs 2,000/- & certificate
3. Lalnunfela - Rs 1,000/- & certificate
Video clip insiamsiak:
1. V. Lalengvara - Rs 5,000/- & certificate
2. Lalnunfela - Rs 3,000/- & certificate
3. C. Lalremsanga - Rs 2,000/- & certificate
Chanchinbu zinga faina lam hawi ziak tha:
1. Rauthla - Rs 3,000/- & certificate
2. The Lawngtlai Post - Rs 2,000/- & certificate
3. Lairam Daily Newspaper - Rs 1,000/- & certificate
Tags
News