Inrinni khan Legal Metrology ten sabuk an enfiah a, sa lei tawhsa an lo buksak atangin, bukna diklo, bukdikloh hmuhchhuah a awm nual a sawi a ni a, buktling lova sa leitute atangin, thil diko titu hrem a nih theih nan Sorkar lam a tang duh an hmu loh thu tualchhung chanchinthar lam ah hriattur a awmzui a, ngaihtuahna a tithui khawp mai.
Mahni tapchhakzawl leh Social Media ah bukna diklo leh thilman sangte chuan kan khawpui hmel a tihbalh zia kan sawi chamchi a, helam kaihhnawih a hmalatheituten puitu an hmulo mauh mai hian, mipui rilru sukthlek a fuhlohzia a lantir theihna lai a awm in a hriat ani.
Hetihrual hian thuneitulam ten nasa zawka tan an lak a ngaihzia a tilang chianga, mipui lam chu kan awm awmin kan lo awm nawk nawk tawh a, kawngtha leh dik pawh thliar ngam leh thliar duhlo khawpin, thil diklo hian minchiah tawh a, ngaiah kan neih a ni ber tawh a, heivang hian hmalatheituten Ar talhdan chikhat chauh a awmlo tih an hrechiang a, kan khawpui hi zahawmtakin in siamthei em em ang, hma han la sauh sauh ula, Sorkar lama tangduh hi kan awm em em ang.
Lawngtlai mipui hi kan sualbikna a awmlo, awmzeneia inkaihhruaina dawn mumallohna chuan inthlahdahna a hringchhuak zawk anih a rinawm.