Lawngtlai Today Daily Newspaper, Inf. E.M, Pu Lalropuia Chinzah in a tlangzarh.


         Nimin khan Lai Autonomous District Council a, Information and Public Relations enkawltu, Executive Member,  Pu Lalropuia Chinzah,  chuan a office chamber-ah Lawngtlai atanga  nitin chanchinbu chhuak thar tur Lawngtlai Today   a tlangzarh.

          Pu Lalropuia Chinzah,  chuan, Chanchinbu hi tihtakzeta enkawl a ngai a, vawiina hun kan hmanna hian Lawngtlaiah chanchinbu hmasawnna kawngah kailawn thar a hawn ngei ka beisei a ti a. Chanchinbu  hi kan rin ber leh thu kan lakna ber a ni a, a enkawlna kawngah   fimkhur a ngai hle a ni tiin, khawtlang leh ram hmasawnna kawngah chanchinbu hi a pawimawh em em a, chutiang tur chuan rilru pawh kan sen a ngai a ni a ti bawk.

    MJA Lawngtlai District President,  Pu Lalngheta Ralte,  chuan,   print media a zuih ral mek laiin, Lawngtlai District-ah Nitin chhuak Chanchinbu   thar  a chhuak   tur chu a lawmawm hle a ni a ti a. Chanchinbu mite hi mipui rawngbawltuah miten min ngai em tih hi chanchinbu mite pawh hian kan inenfiah a ngai hle a ni a ti.  sorkar hruaitute pawhin Lawngtlaia chanchinbu tihchhuahte pawh  an ngaihhlut a, an ngaih pawimawh deuh deuh  a ngai a ni a ni a    ti a, State Sorkar leh ADC dang te nen khaikhin pawn LADC Sorkar chuan Chanchinbumite a ngaipawimawh hle tih MJA President chuan a sawilang tel bawk.

    Chanchinbu tlangzarh tak, Lawngtlai Today neitu leh Editor ni bawk Pu H. Lalhmingmawia chuan, chanchinbu hlutna chang hria sorkar hruaitu kan neih a tul thu a sawi a, chanchinbu nena lengdun thin chu mifing an ni thin a ti. Lawngtlai Today a chhuah theihna tura puitu zawng zawng chungah Pu H. Lalhmingmawia chuan lawmthu a sawi bawk.

    Chanchinbu tlangzarh inkhawm hi     Pu ZD Dengngura,      Editor Phawngpui      Express chuan kaihhruaiin, Pu ZD Dengngura chuan, Lawngtlaiah hian chanchinbu   chhuak a la tlem em em a, hetianga thalai zawkte chanchinbu lama tuimi an lo chhuak zel hi a lawmawm hle a ni a ti.


The Lawngtlai Post

Lalngheta Ralte (Ma-Ngheta) Electric Veng, Lawngtlai , Lawngtlai Dist. Phone: 9862843773 e-mail:lalnghetaralte@gmail.com

Post a Comment

Previous Post Next Post