LAWNGTLAI DISTRICT A HORTICULTURE DEPARTMENT HNUAIA HNATHAWH TLANGPUITE
Lawngtlai District Horticulture Department in kan hmalakna tlangpuite chu, Central Sponsored Scheme hnuaiah MIDH (Mission for Integrated Development of Horticulture) te, PMKSY (Per Drop more Crop) hnuai ami te, Article 275 hnuaiah te hian hmasawnna hna kalpui mek ani.
Heng Central Sponsored Scheme ah hian MIDH kan tih hi a pawimawh ber leh kan hmalakna bulpui ber a ni. MIDH hnuai ah hian hlawm hrang hrangin hmalakna kan nei leh a, chung te chu : -
i) Fruit : Fruit ah hian Area Expansion Scheme – huan thar zauh leh na kan nei thin a, thei chi hrang hrang, Serthlum, Theihai, Balhla, Dragonfruit, etc. Heng te hi hma thar la a huan nghet an neih theih naturin Beneficiary Selection kan nei thin a, Selected beneficiary te chu thlai chi leh planting materials te a thlawn in kan supply a. A khur laihna leh a hmun thlawh faina te pawisa in puih an ni thin. Kumin 2020-2021 ah pawh Dragonfruit ah MIDH hnuaiah hian beneficiary sawm(10) kan nei a, Balhla ah 100 Unit kan nei bawk a, Thingfanghma ah 15 Unit kan nei bawk a. Other Fruit Crop hnuaiah Lakhuihthei chin natur 15 Unit kan nei bawk. Heng te hi sem chhuah vek tawh niin, enkawl mek an ni.
ii) Rejuvenation of Senile Plantation : Serthlum tar tawh emaw upa deuh tawh te tih nulat leh na a ni a, hemi hnuaiah hian Serthlum nei tha leh enkawl ngai tawh te, beneficiary selection neiin kan thlan te chu leitha te, damdawi te, Sprayer te, a tang ro cut natur Secatuer te leh chinai thi leh copper sulphate te pek an ni a. Ser huan nei tu ten an ser kung te Bordeux Mixture siamin an hnawih vek thin a ni. Heng bakah hian Serthlum leh Dragonfruit ching tura kan thlan te hi a kum lehah 1st Year maintenance an dawng thin bawk.
iii) Vegetable : Vegetable kan tih hian thlai chi hrang hrang – Bawkbawn, Zikhlum, Antam, Broccoli, Dhania, Parbawr leh thlai chi hrang hrang kan sem thin bawk a ni. Fruit ang bawk in Vegetable chi hrang hrang te hi a chingtu tur thlan vek niin, DBT form hmanga selection hi siam a ni bawk.
a) Off- Season : Vegetable hnuaiah hian Off-Season Tomato leh Off-Season Cabbage kan nei leh a. A season lo deuh a thlai thar hian farmer te tan hlawkna an tel tam a, chuvang chuan kan Department hnuaiah hian Tomato leh Zikhlum hi a hun pangngai lo ah kan chin tir a, hetiang hian hma kan la bawk a ni.
b) High Value Vegetable : Heihi thlai chi tha, hmun zim deuh a tha taka thar tir hi kan hmalakna pawimawh tak pakhat a ni leh a, hetah hian Poly House kan ti a, Green House emaw Shade Net chhungah emaw thlai chin hi a ni.
iv) Creation of Water Sources :
a) Individual Water Tank : Hemi Scheme ah hian huan nei tha, tui lak tur nei tha bawk te tan an thlai te thal laia tui an mamawh phuhruk natur tui khawlna (Water Tank) Cemented Structure in kan siamsak thin bawk a ni.
b) Community Water Tank : Huan zau khat a chhungkaw pali emaw a aia tam te an intawm turin Community Water Tank lian tha tak kan siamsak bawk thin.
v) Establishment of Marketing Infrastructure : Hemi hnuaiah hian kut hnathawktu ten an thlai thar te an hralh chhuah natura an mamawh, Bazar shed & Rural Market te sak sak an ni bawk a, Mobile Vending Cart te pek an ni bawk. Heng bakah hian Integrated Post Harvest Management an tih a awm leh a, an thlai thar te a chhiat mai loh nana hmanraw pawimawh, Preservation Unit (Low Cost) te siamsak an ni.
vi) Thlai tiak te, thlai chi te kan sem bakah hian a theih chin chinah thlai enkawl dan leh a ven dan te Training kan pe bawk thin.
vii) PMKSY : Central Sponsored Scheme ah hian heihi Farmer te tan pawimawh tak a ni a, a pawimawh zia hria in Central Sorkar in kut hnathawktute tan PMKSY kan tih Per Drop more Crop hnuaiah hian Farmer te chhawk zangkhai nan thlai tui pekna, Drip Irrigation System leh Sprinkler te Scheme ah min lo pe bawk a. Kum tin beneficiary selection siam in chhungkaw engemaw zat chu kan siamsak ve tawh bawk a ni. Heng bakah hian leitha a thlawn te leh subsidy in a mamawh te tan kan pe chhuak reng bawk. Central Sponsored Scheme bakah hian Mizoram Flagship Programme SEDP hnuaiah Dragonfruit chhungkaw 10 chin tir mek an ni bawk. Farmer tour te, Field Visit te pawh kan nei thin bawk a ni. State pawn leh State chhungah Progressive Farmer te tlawh in farmer te kan hruai thin bawk a ni.
Issued by :
District Horticulture Officer, Lawngtlai District , Lawngtlai