LADC a Deputy Chairman thlanna turah hian Cheural bialtu MDC Pu CL Lianzuala chuan nomination a file a, nomination hi Sangau South bialtu Pu JB Vanhoy-an a thlawpa, nomination file dang an awm loh avangin Pu C.L. Lianzuala chu chuhtu awm lovin LADC Dy. Chairman atan thlan a ni.
Pu V. Zirsanga, CEM chuan, LADC sorkar kal lai chu nghet taka a kal tur thu a sawi a, tluang taka Deputy Chairman thlanna an nei thei chu lawmawm a tih thu a sawi.
Opposition Leader Pu T. Zakunga chuan, Dy Chairman atana thlan tak Pu CL Lianzuala chu a lawmpui thu a sawi a. Pu LR Dingliana Chinzah, leh Pu T.Lalengmuana, ten lawmpuina thu an sawi bawk.
Dy Chairman a tana thlan tak Pu CL Lianzuala hi Executive Committee paihthlak tak, Manghmunga Chinzah kaihhruaiah khan Executive Member, Environment,Forest & Climate Change changtu alo ni tawh a, Pu CL.Lianzuala chuan LADC sorkarah chanvo pawimawh tak tak a chelh chu lawmawm a tih thu a sawi a, duhsakna sang tak a ni tiin, Dy.Chairman nihna a chelh chhungin Member te chu amah finchhuah thin turin a sawm.