Chin Baptist Churches USA chuan, Mizoram in Burma ram buaina vanga an sahimna zawnga Raltlante a lo dawnsawn leh enkawl dan ah, Mizoram mipui te chungah lawmthu an sawi.
Chin Baptist Churches USA a General Secretary Dr. Thlaawr Bawihrin chuan Mizoram mipuite chung a lawmthu sawina lehkha a tichhuak a, Raltlante lo dawngsawnga, a hnulam zela Mizo mipui ten an enkawl chhunzawmna ah te, Mizoram mipui, khawtlang roreltu, Tlawmngaipawl leh chhungkua leh mimal tinte hnen ah Chin Baptist Churches USA chu an lawm takzet tih a sawi a, Burma rama mipui rorelna tundin a nihtheih nan a Mizo mipui ten an thlawpna chu a hlu takzet tih Chin Baptist Churches USA, General Secretary chuan a sawi.
Chin Baptist Churches USA te hian Mizoram Chief Minister hnen ah pawh lawmthu sawina lehkha an lo thawn tawh a, Burma ram buaina vanga Mizoram Sorkar in theihtawp a chhuah chu lawmawm an tih thu Chief Minister hi an lo hrilh tawh bawk.
