Lawngtlai Dist ah mi 52211 ten Covid 19 Vaccine an la tawh.

  Kumin 2021 January Ni 16 atanga Inrinni thleng khan Lawngtlai District ah Covid Vaccine mi 52211 hnenah pek a ni tawh.

  Covid-19 Hrileng mek laka invenna atana Sawrkar ruahmanna angin, Kumin January Ni 16 atang khan Mizoram District hrang hrangah Covid Vaccine pek tan ani a, Lawngtlai District ah pawh Vaccine pek hi Health Deptt hmalakna in ngawrh takin a kalpui a, District chhung hmun kilkhawr tak tak, Lirthei kal theih lohna ah pawh, Lawngleng a kalin, Vaccine hi a theih ang a tam pek chhoh mek   ani. 

    January Ni 16 atanga  Inrinni  thleng khan Lawngtlai District chhungah Covid Vaccine hi mi 52211 hnenah pek a ni tawh a,    Health Care Workers hnenah 1st Dose mi 930 leh 2nd Dose mi 758 hnenah an pe tawh a, Frontline Workers mi 2550 hnenah 1st Dose pe tawhin, mi 2105 hnenah 2nd Dose an pe tawh bawk. Kum 18 atanga kum 44 inkar mi 34192 hnenah 1st Dose pe tawhin, mi 11493 hnenah 2nd Dose an pe tawh  a, Kum 45 atanga kum 59 inkar   9735 hnenah 1st Dose leh mi  6294 hnenah 2nd Dose pe tawh in, Kum 60 chung chunglam mi 4804 hnenah 1st Dose pek an ni tawh a, mi 3499 hnenah 2nd Dose an pe tawh bawk. Heti hian Lawngtlai District chhungah Covid  19 Vaccine 1st Dose la tawh   hi mi 52211 niin, mi 24149 hnenah 2nd Dose an pe tawh bawk.

Lawngtlaiah hian Veng hrang hrang ah Vaccine pek hi kalpui thin ani a,   remchan zawkna avangin  Electric Venga PWD IB ah Thawhtanni, Nilaini leh Zirtawpni ah   a duh apiang hnenah Vaccine hi an pe a, 2nd Dose  pawh helai hmunah hian an pe   tawh   ani.