LADC Protem Chairman atan Pu H.Lalmuansanga lakluh ani.

             Kumin August ni 26 a Lai Autonomous District Council a sorkar dinglai House ah paihhtlak a nih hnuah, LADC Sorkar indinchhohmek ah, nimin  khan Lawngtlai DC, Dr Andrew H.Vanlaldika chuan  Tuithumhnar bialtu MDC, Pu H.Lalmuansanga chu Protem Chairman atan rinawmna thu tiamtirin a lalut.

     Protem Chairman lakluhna hi DC Office Chamber ah neih niin, Protem Chairman atana lakluhtak Pu H.Lalmuansanga chuan nimin vek khan naktuk Ningani khian Chairman thlanna neiturin LADC Session a konghala, Chairman chuhtumte tan hun hawn nghal ani.

   LADC a MNF Legislature Party Pu Manghmunga Chinzah kaihhruai chu August 26 khan paihthlak niin, hemini hnu kumin September 6 khan Paithar bialtu MDC, MNF Member Pu V.Zirsanga chuan Governor in Chief Executive Member atan a pawm a, September 8 khan CEM atan lakluh niin, CEM in a ruat Executive Member te pawh Governor in pawmpuiin lakluh an ni vek tawh a, LADC a rorelna kaihhruaitur Chairman chu House a thlan tur a nih avangin, Session kova, kaihhruaitutur atan Pu H.Lalmuansanga hi Protem Chairman atan lakluh a ni ta a ni.