LADC a Horticulture Deptt. ten E.M hovin thlaichi an sem.

         Lai Autonomous District Council a Horticulture Department changtu, Executive Member Pu Lalropuia Chinzah hovin, kuthnathawktute hnen ah vawiin khan thlasik thlai chi semchhuah ani.

        Thlai chi semhma inkhawm tawite ah Pu Lalropuia Chinzah chuan, LADC Sorkar chuan kuthnathawktute a theih ang angin a ngaihsak hle tih sawiin, thlai chi tha an chin a, an mahni an intodelh bakah, sum lakluhna tha an neihtheih nan Council Sorkar chuan KVK Lawngtlaia mithiamte thurawn angin, thlai chi tha leiin, a thlawnin an semchhuak tih a sawi a, a nawlpuia semchhuah piahlam ah insawrbingna bik neiin, khaw thlanbik ten an chintur thlai, Horticulture mithiamten thlansakin, hlawhtling takin an kalpui mek tih a sawi a, englaipawhin kuthnathawktuten harsatna emaw, biakrawn duhna an neih ah LADC a Horticulture Department chu an inhawng a ni a ti.

            
        Thlai chi semchhuah te hi thlasik laia chin chi, Antam, Brocoli, Changkha, Prunsen leh thlai chi dang te an ni.