Nimin khan Lawngtlai DC hovin, State leh Council Sorkar a a kaihhnawih Department ten Lawngtlai a thilman to chungchang sawihovin a sutkiandan tur an sawihova, Revenue E.M pawh he hun ah hian a tel a, hetianga thilman to chungchang thuneituten an ngaimawh hi mipui lam tan a lawmawm khawp mai.
Lawngtlai aiin bungraw phurhna hla zawk ah thil inangreng chu, a man a tlawm zawk a sawite a awm thin a, Lawngtlai chu thilman a sang bik alawm tih bak mipui lam tan tihtheih a tamlova, an mamawh chu an leilothei silo, hetiang a nihmek laia thuneitu sang lam atanga hmalakna tur an ruahman chho hi Lawngtlai District tan thawven huaina tham a tling in a rinawm.
Thilman a sanna chhan hi, thuneitulamten a kaikuang an hre em em ang tih ring ila, tunah chuan an hmalakna chu mipuiin an lo thlir ber tur a ni a, Sorkar hi amah ringawtin a kalhleihtheihloh chin a awm fo thin a, thilman sang pawh hi mipui nghawng thil a ni a, a tul a nih chuan mipui lam pawn tawrh ve ngai deuh a awm a nih pawn inhuam a tul a, tanrualna atangin Lawngtlaia thilman to bik ni a sawi, khawpui hmel tibaltu hi phihfai in a awm ngei ngeiin a rinawm. He thil hi chhungkaw sumbawm nen a inzawm tlat a nih vangin thuneitute hmalakna hi mipuilamin an thlawp a tul viau ang.