Addl DC hovin Special Central Assistance Of Tribal Development chungchang sawiho ani.

       Central Sawrkar Scheme pakhat Special Central Assistance Of Tribal Development inhrilhhriatna leh Lawngtlai District chhunga hmalak dantur ngaihtuahin vawiin khan Lawngtlai a Line Department hotute,  Pu James Miahlung, Addl.DC Lawngtlai hovin an thukhawm.

        Pu James Miahlung,  chuan   Scheme in a tum ang takin, Lawngtlai District a khua leh veng 67 a hmalakna turah, Department hrang hrang ten uluk tak leh fimkhur taka an kalpui a pawimawh dawn a ni tiin, Line Department te chu Lawngtlai District tana hmasawnna atan theihtawp chhuah turin a chah.

     Pu Lalsawmzuala, OSD, Social Welfare & Tribal Affairs Deptt. chuan    he Scheme hian India ram chhunga Tribal te  dikna [The Lawngtlai Post]chanvo leh   nun khawchhuahna tura an chanvo diktak an hmuh theihna tura hmalak chu a tum ber anih thu sawiin, Thingtlang khua in hmasawnna hmel an hmuh na turin, Anganwadi Centre neilo Veng/Khua ah Anganwadi Building sak sak te, Tuithianghlim an neih theihna tura hmalak te, Thingtlang khua inkalpawhna tihchangtlunte, Ekin neilo hnenah ekin sak sak te, Chenna tur In neilo leh in  thawmthatngai te siamsak a, inthar sakna tura kawng dap sak te, Hri vanga Ranvulh  thite tanpuina pek dan turte bakah Department hrang hrang te hmalakna kalmek a, Thingtlang lam tih hmasawnna tura hmalakpui te chu he scheme in a tum ber anih thu a sawi.

     Lawngtlai District chhunga Khua 67 ah he scheme hi kalpui a ni dawn a, RD Block pathum, Lawngtlai,Sangau leh Chawngte RD Block huam chhunga Line Deptt te chuan he Scheme hnuaia hma lakna tur atana Plan an siam te chu   20.10.2021  aia tlai lovah, Lawngtlai DC hnena thehlut vek tura tih an ni a, khawtinah Village Level Committee din vek tura tih a ni bawk.