Mizoram Fire & Emergency Department leh School Education Department. tangkawp ten an buatsaih Fire Service Week puala Essay writing Competition a lawmman pathumna latu Elizabeth Lalthanpuii Down Town English School. Lawngtlai hnenah nimin khan a lawmman hlan ani.
Lawngtlai a Fire Station a he hun an hman hi Pu K.Lalmuanpuia, Station Officer, Lawngtlai Fire Station chuan a kaihruai a, hun hmanpuitu Pi TT.Beikhaizi, SDO Sadar. Lawngtlai chuan Fire & Emergency Week chu kum 1994 April Ni 14 atanga hman anih tawh thu sawiin, Week hman chu tangkai taka hman alo nih tawh thin thu a sawi a, kangmei laka invendan te leh School naupangte tana inelna thianghlim te buatsaih thin in, kumin thlengin hlawhtling taka hman a ni chu lawmawm atih thu a sawi . Pi Beikhaizi chuan kangmei chhuahchhan tamtak chu kan fimkhur tawkloh vang a thleng anih thu sawiin, kan bawlhhlawh paih fimkhur tawk loh vang te, meizial bung paih fimkhur tawk loh vangte a kangmei hi chhuak anih thin avangin, mitin ten mawhphurhna kan nei a, fimkhurna kawngah a taka thawktu kan nih theuh a pawimawh a ni ati bawk.
Kumin 2021 Fire Service Week, April Ni 14 atanga Ni 20 chhunga hman zawh takah khan, Mizoram pumpui huapa High School zirlaite tana buatsaih, kangmei chhuak thulh ah kangthelhna hmanrua nena lo inrinlawk hi kan himna a ni tih thupui hmanga Essay Writing Competition ah lawmman pathumna latu Elizabeth Lalthanpuii, Down Town English School. Lawngtlai a Class-IX zirlai chu thlan niin, lawmman semna hun, Aizawla buatsaih anih laiin, Covid-19 hrileng avangin thulh a ni a, lawmman dawngtute hi anmahni District ah a remchan dan anga hlan an ni ta ani.
He Essay Writing Competition ah hian Lawmman pakhatna hi Lalrinpuii, Class-IX. Synod Higher Seconadry School.Aizawl niin, pahnihna chu C.Lalruatzuali. BC Lalthlamuana English School Champhai a Class-IX zirlai ani a. Lawmman hian Certificate bakah Pawisa Fai a keng tel ani. bawk.
Nimina lawmman hlanna hun hmanna ah hian Elizabeth Lalthanpuii Pa Rev.V.Suikharliana chuan an fanu Elizabeth- in Mizoram pum huap a lawmman a dawng chu lawmawm an tih thu sawiin, a puala lawmman hlanna hun an buatsaih leh zel chu ropui an tih thu a sawi a, Elizabeth in lawmman 3-na a lak chu kangmei laka fimkhurna tura inzirtirna hmahruaitu atana hmanrua anih ngei a duh thu a sawi.