Myanmar ram buaina vanga an sahimna zawnga Lawngtlai District a tlanlut chu nimin thleng khan mi 3022 an tling tawh.
Central Young Lai Association General Secretary Pu JH lalrindika chuan Raltlan hi rawn luh belh deuh reng an ni a, Pangkhaw bul, Saisihchhuah ah Chhimtuipui paltlanga rawnluh an nih deuh ber thu sawiin, Branch YLA te chuan Raltlante chhawmdawlna hna a theih ang anga an lo thawh bakah uluktakin an lo chhinchhiah thin a ti.
Lawngtlai District chhunga Raltlante chhawmdawlna tur hi Central YLA kut ah, pawl Kohhran leh mimal inphalten an chhunglut deuh reng a, nimin pawh khan Baptist Church of Mizoram, Lawngtlai Area chuan Raltlante chhawmdawlnan BCM, Lawngtlai Area Executive Secretary Rev. R. Lalnunzira chuan Central YLA kutah Rs 3,70,000/- a hlan a, tanpuina hi Central YLA President Pu HC Vanlalruatpuia chuan dawngin, Raltlan chhawmdawlna tur Central YLA kut a lutte chu mamawhdan angin hman nghal zel a nih thu sawiin, chanhai leh baihvai zawkte tanpuinan a thilpek petute chungah Central YLA chu a lawmtakzet tih a sawi bawk
Nimin vek khan khan Baptist Church of Mizoram, Ramzotlang Kohhran, Lunglei chuan Myanmar atanga Sangau leh a chhehvel a raltlan awm mekte tanpuina atan YLA Sub Hqrs. Sangau kutah Cheng Nuai hnih an hlan bawk.