Mizoram State Legal Services Authority in ruahmanna a siam angin, he programme hian ni 45 chhung, October ni 2, 2021 atanga November ni 14, 2021 thleng a huam dawn a, hemi hunchhung hian Lawngtlai District chhunga khua a tam thei ang ber tlawh chhuah tum a ni.
He Pan India Awareness and Outreach programme in a tum ber chu India ram hmun tina cheng, a bik takin thingtlang kilkhawr ber bera chengte hnena Legal Services Authority hmelhriat tira an hnathawh kalhmang hrilh hriat a, dan leh hrai lama harsatna neite tan a thlawna pan theih reng an nih thu puan zar bakah mipuite , khua leh tuite dikna leh chanvo zirtir leh dan leh hrai an hriatna kawnga hma ansawn theihna tur kawng buatsaihsak a ni.
Lawngtlai District-ah chuan, he hun bultanna hi October 2, 2021 khan neih a ni a, zing karah Pi S.Ngotlia, MJS, Secretary, District Legal Services Authority kaihhruaina hnuaiah Panel lawyer-te, PLV-te leh staff ten Lawngtlai bazar veng ah dan hnuaia mipui ten chanvo hrang hrang an neih tarlanna thuziak kengin kawng an zawh a. District Jail a tang mekte nen hun an hmang bawk.
Pi S.Ngotlia, MJS chuan Fundamental Duties and Rights of Prisoners tih thupui hmangin zirtirna a pe. Kar kalta chhung khan outreach programe an hmang chhunzawm nghal a, Darnamtlang, Saizawh East leh Lunghauka khuate tlawhin VC leh NGO hruaitute nen inkawm in dan leh hrai inzirtirna hun hman a ni a, dan zirna thuziak leh lehkhabute pawh sem chhuah nghal a ni.
Lawngtlai District chhung khaw hrang hrang ah hun hi hman chhunzawm tum ani.