LADC a I&PR changtu Executive Member chuan, nimin a Newspaper thar a tlangzarhna ah, Social Media thanna nasatak karah pawh Chanchinbu hlutna chu a tlahniam tak tak theilo tih sawiin, thil pawimawh ah chuan, a tawp ah Chanchinbu bawk chu mipuiten rintlak a an ngaih a la nizel a ni a ti a, a dikna lai a tam khawp mai.
Social Media a thudarhte hi hnualsuat chi a nilova, smart phone hum tawh chuan, an kutah an duh hawi zawng zawng puanzar maitheihna dawhsan an neih vangin, thutha a tamrualin, thu lawilo deuh pawh a tamlo theilova, hetihrual hian, thil pawimawh bik ah pawh rintlak leh belhchiandawl tak tak a tam tih erawh tutemah hi an phain a rinawmloh.
Information E.M hian Chanchinbu awmzia leh nihphung a man hle tih a hriat a, a tawpah Chanchinbu bawk mipuiten an rinfona chhan chu, Journalist ten puanzar awm leh awmlohte, nguntaka thlifim chunga an thehdarh thin vang tih pawh a hrechiang tih a hriat ani.
Lawngtlaia Chanchinbumite hi Journalism a thiamna nei an nilo tih chu zep chi a nilova, hetichung hian rualawhna phuhrutu atan tal tiin theihtawp an chhuah ve tihte pawh hriatsak a tulna chin a awm ang. A pawimawhber ah chuan, a thaber a nihloh pawn mahni tualchhuak ngaihhlut hi a ni awm e.