Lai Autonomous District Council a Information & Public Relations changtu Executive Member, Pu Lalropuia Chinzah chuan nimin khan Lawngtlai District MJA Member te a Chamber ah lengah sawmin, Chanchinbumite chu thawhhopui ah sawmin, I&PR Department tihchangtlun nan a ruahmanna hmasa awmte a hrilh.
Pu Lalropuia Chinzah chuan LADC a Information & Public Relations Department chu tangkaizawk leh awmzenei zawka a kaltheih nan, Department chhunga thawktute, an thiamna mil a remfel hna thawh mek a ni a ti a, LADC thuthar leh LADC chanchin dang te pawh Online a enduh te tan Website chu thuamthain, changtlung zawka enkawl tum a nih thu a sawi a, Lawngtlai District MJA te chu LADC Sorkar bakah Information & Public Relations Department tan an hriatna leh thiamna te thawhtura sawmin, amah leh a enkawl Department a thawktute pawh finchhuaha, thurawn pethinturin a ngen bawk.
Lawngtlai District MJA te chuan LADC Sorkarin MJA Member ten Pension an neihtheih nan a hma alakpuina kalmek chu tihchangtlun a, pawisa tamzawk dah an duh thu te, Advertisement leh Chanchinbu Subscription pawh tun aia tam a nih theihnan hmala turin Executive Member chu ngenin, Press Tour atan sum thahnem zawk dahturin an ngen bawk.