PPE hlanna hi Lawngtlai Bazar Venga MLA chenna In ah neih niin, Pu C.Ngunlianchunga chuan hripui vanga ramin harsatna nasatak a hmachhawn mekah Young Lai Association te chu Hridona ah an thawhhlawk takzet tih sawiin, ram leh khawtlang tan, hma an lakna ah tangkaina a neih beiseiin PPE chu hlan a nih thu a sawi.
Lawngtlai West MLA hian hrido nan hmalakna hrang hrang a kalpui deuh renga, August 12 khan Lawngtlai, Chawngte leh Bungtlang South a hmanturin Hrikai leh kailoh enfiahna Test Kit 2200 a lo hlan tawh a, a bial chhunga VLTF leh 4C ah te tanpuina hi a semchhuak deuh reng bawk.
Vawiin a Lawngtlai West MLA in PPE a hlan hi Central YLA President Pu H.Vanlalruatpuia leh General Secretary Pu JH Lalrindika ten dawngin, MLA hi Lai District Youth Congress Committee President Pu Laltlawmlova Chinzah Ex-MDC in a tawiawm a, Central YLA hruaitute chuan an mamawh tak MLA in a pe chu lawmawm an tih thu an sawi