Sangau RD Block chhunga khaw 15 ah nimin atangin School hawn tan leh a ni.

  August 13, 2021 khan Lawngtlai District Bawrhsap Dr. Andrew H. Vanlaldika chuan Mizoram sorkar Disaster Management & Rehabilitation Department order (No.B.13021/101/2020/DMR/Vol-V) Dt. 7.8.2021 Clause B-2 in a tarlan angin leh SDO (C)/BDO Sangau, Head of Institution te leh VLTF te inbiak rawn angin Sangau RD Block chhunga veng leh khua 15 ah te Covid-19 hri a leng tawh lo nia hriat a nih avangin, August 16, 2021 atanga School hawntan a nih   tur thu alo chhuah tawh a, he thuchhuah bawhzuiin, Sangau RD Block huamchhunga hrivei awm tawh lohna ni a ngaih khua leh veng 15 ah te hian nimin atangin Zirna In te hawn tan a ni. 

DC thuchhuahin a tarlan danin, School hawn phalna a pek khuaah te hian Education Department-in SOP a tih chhuahte zawm ngei tur a ni a, Zirna in thuneitu ten CAB an kengkawh tur a ni bawk. Zirna in 4C emaw CQF a hmante chu hawn a nih hmain VLTF ten an tithianghlim tur a ni a, zirna in hawnna khuaah positive an awm a nih chuan SDO (C), Sangau Sub-Division an hriattir vat tur a ni.