Inkharkhip reng theih a nilova, khawi hmunah pawh hri chuan bu a khuar a ni ber tawh a, khawilai atang pawn kai maitheihna remchang a tam hle in a hriat a, heivang tak hian, Hri nen a lendun kan thiam hi a pawimawh takzet.
State rethei kan ni a, mahni a thawhchhuah nei tamlo, a chhunga chengte pawh khawsak harsa te te kan ni a, kumpuilingleta inkharkhip kan zawhlohzia a lang chho a, nunphung pangngai zawh hleitheih a nihloh laiin, thlah zalen erawh a ngai chho lo thei silo.
Engtinnge hri nen chuan kan lendun theih anga, engtinnge hripui lakah hian kan him ang ? Cellphone hmangte chuan hrilaka invendan kan ngaithla ngun viau a, tute emaw kan call dawn a, “Ava ninawm tak” kan tihfo hi, a takin zawm ila, chu chuan awmzia a neithui dawn lutuk.
Vengchhung Information Centre atanga fimkhur a ngaihzia thu an puan fote hi i ninglo ang u, bengchheng a nilova, kan himna tura induhsakna a ni a, puanfo ngailo tura kan awmtheih hun a nghahhlehawm takzet ani.
Tutepawh hian hri minkai thei tih pawmthlap hi a fuhber a, mahni chenpuite ngei lakah pawh kan fimkhur a ngai. Tunang huna thenawm khawveng a chuangkai thinte hi mibengvar nihna a ni tawhlova, mipangngai tan, tul pawimawh tawp a nihloh chuan chhuahvah chi a nilo.
Kan ngaithlaa, kan chhiar a, kan sawi a, Hri nena lendun erawh kan thiam mawh viau thung a, mitin hian tihvetur kan neih hi hlen mai ila, abak thildang a awmlo.