KVK Lawngtlai chuan Covid -19 avanga kut hnathawktute harsatna sut kian na tur leh intodelh tura hmalam pan zel nan Agriculture leh a kaihhnawih hrang hrangah online seminar a buatsaiha, ni 14 August zan dar 7 khan seminar khuhhawnna Dr. Andrew H. Vanlaldika, Deputy Commissioner Lawngtlai District in neiin Covid -19 avanga kut hnathawktu ten harsatna an tawh laia Programme tangkai tak mai KVK Lawngtlai kaltlanga chhawpchhuah a ni chu lawmawm a tih thu sawiin kuthnathawktu te chu thiamna hrang hrang nena intodelh thei tura taima taka thawk turin a chah.
He hun ah hian Pu Evan T. Munsong (DDM NABARD), Pu Malsawmkima Vanchhawng (Farm manager) leh Dr. C.Lalfakawma (Sr. Scientist & Head) KVK Lawngtlai ten thu an sawi bawk.
He seminar hi NABARD (National Bank for Agriculture and Rural Development) Mizoram Centre bultuma a buatsaih niin August ni 14. 2021 atanga 20 October 2021 chhunga neih tura ruahhman ani.
Seminar ah hian Specialists leh Scientists hrang hrang KVK, ATMA, ICAR leh SIRD atangin subject 14 ah online Seminar hi pek a ni dawna, kut hnathawktu ten awlsam zawka an lo chhim ve theih nan zan dar 7 ah pek thin tura ruahhman ani. Seminar zankhatna ah hian Khuai khawi dan (Modern Bee-keeping)leh loneitute tana khuai khawi tangkaina te tih thupui hmangin Pu C. Rualthankhuma, Subject matter Specialist (Agronomy) KVK Lawngtlai chuan zirtirna pein, Mizoram hmun hrang hrang atanga khuai khawi tui mi engemaw zat in an chhim ani.
Tags
News