Editorial || ENCHHIN CHUNGIN HRI KAN DOZEL A NGAI

  A tira tha kha tunah a tha kan ti tawh lova, kawng hrang hrangin Hrido kawngah hmalakna kalpui a ni a, khawvelin a la hmelhriat ngailoh a ni a, a do dantur kaihhruaina thatak tak mithiamten duang chhuak tawh mahse, kan chenna mila herrem ngai tamtak a awm bawk vangin, Hridona leh hri darhtur vengtur a hmalakna chu enchhin pah a kalpui a ngai fo thin a ni.

Lawngtlaiah pawh karkalta a lirthei intlanchhawk chu tultilemlo engemawzat an awm tih a chianga, intlanchhawk kha a thaber em tih pawh a hriatloh rualiin, a thalo em tih pawh a hriat mumal chuangloh a,  vawiin atangin lirthei intlanchhawkchu hlih a ni ta a, reiloteah khawpui dinhmunin lirthei intlanchhawk a that leh thatloh chu a tifiah maiin a rinawm.

DLTF leh VLTF te Hrido pawl te thutlukna zawng zawng hi a felfai kilkel theilova, enge thaber ang, eng hi nge kan ziaawmpui deuh ang tih enchhinfo a la ngai hi, thuneitute lu tihaitu pawh niin a hriat a ni.

Sorkar leh Hridopawl ten ruahmanna hi enganga tha pawn duangin eng anga khauh pawn     kalpui mahsela, mipui lamin an zawm that duhloh chuan awmzia a nei thei tak tak lova, khawpui lunlaia lirthei   tlan tihtlem a nihlaia,    veng kilkhawr a lo inlenpawh fote hi a pawi dan a inchen reng thei ang.

Engpawhnise, kan huntawn mila inkaihhruaina siam hi thatakin zawm mai ila, harsatna bikneite chu VLTF leh Executiver Duty ten an pui thei reng tih a chianga, tunah pawh  karkalta a inkaihhruaina tlemte lirthei tlandan bak tihdanglam langsar a tamlo hi a lawmawm a, karhnih enchhin a nih chuan, nghawng aneihdan pawh a chiang ngeiin a rinawm.